Sunday, 29 May 2011

五月三十日,晴

話說今朝起身覺得有些少肚餓就將個罐頭擺係個鐵碟上面放左入微波爐叮熱佢點知個微波爐無啦啦爆左。咁我又肚餓唯有飲杯奶當係早餐心血來潮加左兩片檸檬入杯奶度飲落杯奶有d 粒粒幾得意。然後我記起要餵狗就比左尋晚食剩既洋蔥豬扒比佢食。之後我就去沖個熱水涼沖完涼出黎聞到成陣煤氣味好臭我就點支香薰辟味點知又爆炸燒到間沖涼房都係。

我救熄左屋企火災發現夠鐘番工急急腳出門口。我見就黎遲到就截的士。一入架的士就見到個司機眼神朦朧仲有幾粒藥丸係地下同埋幾個咳藥水空樽。呢位的士司機病左都要番工一定係一位敬業樂業既好司機。不過佢手車就麻麻左撞右撞好似行唔到直線咁。之後架的士撞到壞左我唯有落車行路番工。

好不容易番到公司已經係lunch time。今日真係好運一番工就可以放lunch。一入office 就見到老闆我就問佢想去邊度食lunch。之後佢笑咪咪咁同我講話我可以番屋企仲有聽日都唔使番。老闆真係好人佢梗係知我做野辛苦所以放我假。

我見無野做就去行街。行行下覺得口渴就入便利店買了一樽水。大家放心我係有常識既我買左蒸餾水而唔係礦泉水因為我知道礦泉水係無煲過既。

之後我見無野做就番屋企訓覺。但係光天化日我訓唔著就飲左幾杯紅酒然後食左兩粒安眠藥準備訓個好覺迎接明天美好的一天。