Saturday, 21 August 2010

公平 - 第五集



從前﹐有一對好朋友﹐一個很富有﹐另一個比較窮。某日﹐兩人約出黎茶樓飲茶:

窮人: !你做咩著得咁街坊﹐短褲涼鞋白底衫﹐件衫仲穿左個窿。你以前出親街都係Armani 或者Hugo Boss﹐係唔係近排財政有問題?

富人:唔係唔係﹐近排香港仇富情緒好嚴重﹐我小心為上姐。你唔好話比人知我有錢﹐我驚無啦啦行行下街有警察開槍打我。

窮人:你驚咩呀﹐你又無兜巴星打警察。

富人:小心為上﹐小心為上。我出街連架七人車都唔敢楂﹐驚比人用七國語言問候我老母。

窮人:你驚咩呀﹐你又無駛架車入巴士線﹐又無串人窮﹐架車又係環保車。

富人:小心為上﹐小心為上。我連我呀爺係祖國開國功臣都唔敢話比人知﹐驚比人話我係龜孫子。

窮人:你驚咩呀﹐又無人升你做少將。不過你呢句已經得罪唔少人﹐番大陸小心D

富人:今次死硬啦﹐我咁有錢﹐好驚呀。

窮人:放心啦﹐你無為富不仁﹐無人會搵你麻煩﹐飲啖茶定下驚先啦。

富人:咁又係﹐我老友李澤X阿爸都話﹐君子愛財﹐要取之有道﹑用之有道。

正在此時﹐隔離檯發生了一場小騷動....

樓面侍應: 呢位先生﹐你肯定餐牌上面既每一道菜都要叫一碟?加埋八十四道菜?

豪客:無錯﹐有咩問題。

樓面侍應:但係你一個人點食咁多野?

豪客:我就係中意每樣試少少﹐吹咩?我又唔係唔比錢﹐信唔信我搵經理投訴你。

窮人:咁浪費食物都有。

富人:係囉﹐非洲好多細路要食樹皮﹐食樹根。

豪客:關你兩條粉餅咩事﹐多多聲氣。你D 死窮鬼﹐三十幾歲人仲要食午市特價餐﹐真陰公。

&:..............

豪客:我話你知﹐我老爸係富豪﹐二叔係法官﹐三叔係警察﹐四叔係高官﹐得罪我我要你成世無運行!

富人:...............

窮人:我話你知﹐我係高登網民﹐大哥係高登版主﹐二哥係東周刊狗仔隊﹐三哥係網絡打手﹐四哥係偽基百科編輯.........

豪客:oh shit!大俠饒命!

Saturday, 7 August 2010

人腦ep11: 躁抑症

躁狂抑鬱症﹐英文 Bipolar affective disorder﹐為情緒病的一種。患者在情緒上大起大落﹐時而狂躁﹐時而抑鬱﹐兩種極端的情緒反復出現﹐起伏甚大。這種症的患者是自殺的高危族﹐自殺率比抑鬱症患者更高。

常人要控制情緒話咁易﹐這種症的患者要控制自己的情緒的話難度極高﹐沒有此症的人很難想像。要此類病人控制情緒﹐就如你肚瀉的時候﹐有人對你說:

"請你控制你的大腸。"